! 2022 թվականի դեկտեմբերի 12-ից Ադրբեջանի կողմից Արցախի շրջափակման պատճառով Արցախ մուտք գործել հնարավոր չէ։
—————————————————————————————————————————————————————————————————————————————————

Համաձայն «Լեռնային Ղարաբաղի Հանրապետությունում օտարերկրյա քաղաքացիների իրավական կարգավիճակի մասին» Լեռնային Ղարաբաղի (Արցախի) Հանրապետության 2001թ. օգոստոսի 31-ի օրենքի` Արցախի Հանրապետություն մուտք գործելու համար օտարերկրյա պետության քաղաքացիները պետք է ունենան վավերական արտասահմանյան անձնագիր կամ դրան փոխարինող այլ փաստաթուղթ և ԱՀ մուտքի արտոնագիր։

Մուտքի արտոնագիր ստանալու համար անհրաժեշտ է Արցախ այցի օրվանից առնվազն 10 աշխատանքային օր առաջ armconsul@mfa.nkr.am էլեկտրոնային հասցեին ուղարկել առցանց լրացված հայտը և ներքոհիշյալ փաստաթղթերը.

• անձը հաստատող փաստաթուղթ (անձնագիր),
• լրացված վիզային հարցաթերթիկ,
• 3х4 չափսի լուսանկար։

Արցախ մուտքի արտոնագրի տրամադրման կամ մերժման մասին դիմումատուն տեղեկացվում է Արցախ մուտք գործելու իր նախանշած օրը։

Օտարերկրյա քաղաքացիներին Արցախ մուտքի արտոնագրեր / վիզաներ տրամադրվում են ՀՀ-ում ԱՀ մշտական ներկայացուցչությունում.
Հասցե՝ ք. Երևան, Նաիրի Զարյան 17 ա/2
Աշխ. ժամեր՝  երկուշաբթի-ուրբաթ՝ 9.00 - 18.00
Հեռ.՝ +374 10 249 705

! Մուտքի արտոնագիր ստանալու դեպքում օտարերկրյա քաղաքացին կարող է մուտք գործել Արցախ միայն իր դիմումում նշված օրը։

ԱՀ մուտքի արտոնագրերի տրամադրման ժամկետներն ու պետական տուրքի չափը
(Ըստ «Պետական տուրքի մասին» 14.04.2004 թ. ԼՂՀ օրենքի)