Որոնում:

Արցախի ԱԳՆ ղեկավարն ընդունել է Լեհաստանից ժամանած պատվիրակությանը - MFA NKR

Արցախի ԱԳՆ ղեկավարն ընդունել է Լեհաստանից ժամանած պատվիրակությանը


2018-09-27 17:45

Սեպտեմբերի 27-ին Արցախի Հանրապետության արտաքին գործերի նախարար Մասիս Մայիլյանն ընդունել է ճանաչողական այցով Արցախ ժամանած Լեհաստանի Վոլոմինի շրջանի ղեկավար Կազիմերժ Ռակովսկու գլխավորած պատվիրակությանը։

Մասիս Մայիլյանը ողջունել է պատվիրակության անդամներին՝ հույս հայտնելով, որ Արցախ այցելությունը հնարավորություն կընձեռի համապարփակ տեղեկատվություն ստանալ հանրապետությունում տիրող իրավիճակի մասին և հիմք կդառնա երկկողմ համագործակցության հաստատման համար։ Այս համատեքստում զրուցակիցները մտքեր են փոխանակել տեղական ինքնակառավարման ոլորտում փոխգործակցության հեռանկարային ուղղությունների շուրջ։

Հանդիպման ընթացքում արտաքին գործերի նախարարը ներկայացրել է Արցախի արտաքին քաղաքականության գերակա ուղղությունները՝ անդրադարձ կատարելով պետականաշինության, միջազգային ճանաչման և ապակենտրոնացված համագործակցության գործընթացներում արձանագրված ձեռքբերումներին։

Հանդիպմանը մասնակցում էր նաև Լեհաստանի Հանրապետությունում ՀՀ դեսպան Էդգար Ղազարյանը։

Արտաքին գործերի նախարարություն
Լեռնային Ղարաբաղի Հանրապետություն
ԼՂՀ, Ստեփանակերտ, Ազատամարտիկների 28
Հեռ: (+374 47) 9 44087,
Ֆաքս: (+374 47) 9 71551, Web: www.nkr.am
Բոլոր իրավունքները պահպանված են. © 2008
Ստեղծված է Ghazanchyan.com