Որոնում:

Արցախի Հանրապետության արտաքին գործերի նախարարն ընդունել է Հայաստանի դիվանագիտական դպրոցի ունկնդիրներին - MFA NKR

Արցախի Հանրապետության արտաքին գործերի նախարարն ընդունել է Հայաստանի դիվանագիտական դպրոցի ունկնդիրներին


2018-05-15 12:00

Մայիսի 15–ին Արցախի Հանրապետության արտաքին գործերի նախարար Մասիս Մայիլյանն ընդունել է Հայաստանի դիվանագիտական դպրոցի տնօրեն, դեսպան Վահե Գաբրիելյանի գլխավորությամբ ավանդական այցով Արցախ ժամանած դպրոցի ունկնդիրներին։

Հանդիպման ընթացքում Մասիս Մայիլյանը ներկայացրել է  Արցախի դիվանագիտական գործունեության առանձնահատկությունները, ԱԳՆ կենտրոնական ապարատի և արտերկրում Արցախի մշտական ներկայացուցչությունների հիմնական գործառույթները: ԱԳՆ ղեկավարը անդրադարձել է նաև Արցախի արտաքին քաղաքականության գերակա ուղղություններին՝ մասնավորապես, Արցախի միջազգային ճանաչման և ադրբեջանա-ղարաբաղյան հակամարտության խաղաղ կարգավորման գործընթացներին:

Մասիս Մայիլյանը գոհունակությամբ է նշել արտաքին քաղաքականության բնագավառում երկու հայկական պետությունների միջև համագործակցության բարձր մակարդակը՝ ընդգծելով համահայկական նշանակություն ունեցող խնդիրների լուծման գործում համակարգված աշխատանքի կարևորությունը:

Հանդիպման ընթացքում ԱԳՆ ղեկավարը պատասխանել է  ուսանողների բազմաթիվ հարցերին:

Արտաքին գործերի նախարարություն
Լեռնային Ղարաբաղի Հանրապետություն
ԼՂՀ, Ստեփանակերտ, Ազատամարտիկների 28
Հեռ: (+374 47) 9 44087,
Ֆաքս: (+374 47) 9 71551, Web: www.nkr.am
Բոլոր իրավունքները պահպանված են. © 2008
Ստեղծված է Ghazanchyan.com