Որոնում:

Արցախի ԱԳՆ ղեկավարն ընդունել է ԱՀՀ ամառային կամավորական ծրագրի մասնակիցներին - MFA NKR

Արցախի ԱԳՆ ղեկավարն ընդունել է ԱՀՀ ամառային կամավորական ծրագրի մասնակիցներին


2017-07-06 19:15

Հուլիսի 6-ին Արցախի Հանրապետության արտաքին գործերի նախարար Կարեն Միրզոյանն ընդունել է ավանդական այցով Արցախ ժամանած Ամերիկայի հայկական համագումարի (ԱՀՀ) ամառային կամավորական ծրագրի մասնակիցներին՝ կազմակերպության տարածաշրջանային տնօրեն Արփի Վարդանյանի գլխավորությամբ։

ԱԳՆ ղեկավարը բարձր է գնահատել ԱՀՀ հետ հաստատված համագործակցությունը և նշել ամառային կամավորական ծրագրի կարևորությունը, որը հնարավորություն է ընձեռում սփյուռքի երիտասարդներին այցելել նաև Արցախ և համակողմանի պատկերացում կազմել մեր երկրում առկա իրողությունների ու արձանագրված ձեռքբերումների վերաբերյալ։

Հյուրերի խնդրանքով Կարեն Միրզոյանը ներկայացրել է Արցախի ԱԳՆ գործունեության առանձնահատկությունները և անդրադարձ կատարել երկրի արտաքին քաղաքականության մի շարք օրակարգային հարցերի։

Արտաքին գործերի նախարարություն
Լեռնային Ղարաբաղի Հանրապետություն
ԼՂՀ, Ստեփանակերտ, Ազատամարտիկների 28
Հեռ: (+374 47) 9 44087,
Ֆաքս: (+374 47) 9 71551, Web: www.nkr.am
Բոլոր իրավունքները պահպանված են. © 2008
Ստեղծված է Ghazanchyan.com