Փետրվարի 12-ին Լեռնային Ղարաբաղի Հանրապետության /Արցախի Հանրապետության/ Նախագահ Բակո Սահակյանը Աբխազիայի Հանրապետության իշխանությունների հրավերով ժամանել է Սուխում եւ մասնակցել Նախագահի պաշտոնում վերընտրված Սերգեյ Բաղապշի երդման հանդիսավոր արարողությանը:

ԼՂՀ Նախագահի աշխատակազմի տեղեկատվության գլխավոր վարչության տեղեկատվության համաձայն, իր շնորհավորական խոսքում Բակո Սահակյանը արդյունավետ աշխատանք է մաղթել Սերգեյ Բաղապշին, բարեկեցություն եւ խաղաղություն` Աբխազիային ու նրա ժողովրդին: